Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 82-1} ñālam vaṟam tīra peyya kuṇakku ērpu
• {KALI 82-2} kālattil tōṉṟiya koṇmū pōl em mulai
• {KALI 82-3} pāloṭu vīṅka tava neṭitu āyiṉai
• {KALI 82-4} puttēḷir kōṭṭam valam ceytu ivaṉoṭu
• {KALI 82-5} pukka vaḻi ellām kūṟu
• {KALI 82-6} kūṟuvēṉ mēyāy ē pōla viṉavi vaḻimuṟai
• {KALI 82-7} kāyāmai vēṇṭuval yāṉ
• {KALI 82-8} kāyēm
• {KALI 82-9} maṭa kuṟu mākkaḷōṭu ōrai ayarum
• {KALI 82-10} aṭakkam il pōḻtiṉ kaṇ tantai kāmuṟṟa
• {KALI 82-11} toṭakkattu tāy uḻai pukkāṟku avaḷ um
• {KALI 82-12} maruppu pūṇ kaiyuṟai āka aṇintu
• {KALI 82-13} perumāṉ nakai mukam kāṭṭu eṉpāḷ kaṇṇīr
• {KALI 82-14} cori muttam kāḻ cōrva pōṉṟaṉa maṟṟu um
• {KALI 82-15} vaḻimuṟai tāy uḻai pukkāṟku avaḷ um
• {KALI 82-16} mayaṅku nōy tāṅki makaṉ etir vantu
• {KALI 82-17} muyaṅkiṉaḷ muttiṉaḷ nōkki niṉaintu ē
• {KALI 82-18} niṉakku yām yārēm ākutum eṉṟu
• {KALI 82-19} vaṉappu uṟa koḷvaṉa nāṭi aṇintaṉaḷ
• {KALI 82-20} āṅku ē ari matar uṇ kaṇ pacappa nōy ceyyum
• {KALI 82-21} perumāṉ parattaimai ovvāti eṉṟāḷ
• {KALI 82-22} avaṭku iṉitu āki viṭuttaṉaṉ pōki
• {KALI 82-23} talai koṇṭu nammoṭu kāyum maṟṟu ītu ōr
• {KALI 82-24} pula takai puttēḷ il pukkāṉ alaikku oru
• {KALI 82-25} kōl tā niṉakku avaḷ yār ākum ellā
• {KALI 82-26} varunti yām nōy kūra nuntaiyai eṉṟum
• {KALI 82-27} paruntu eṟintaṟṟu āka koḷḷum koṇṭāṅku ē
• {KALI 82-28} toṭi um ukir um paṭai āka nuntai
• {KALI 82-29} kaṭi uṭai mārpiṉ ciṟu kaṇ um uṭkāḷ
• {KALI 82-30} vaṭu um kuṟittāṅku ē ceyyum viṭu iṉi
• {KALI 82-31} aṉṉa piṟa um perumāṉ avaḷ vayiṉ
• {KALI 82-32} tuṉṉutal ōmpi tiṟavatu il muṉṉi nī
• {KALI 82-33} aiyam illātavar il oḻiya em pōla
• {KALI 82-34} kaiyāṟu uṭaiyavar il allāl cellal
• {KALI 82-35} amaintatu iṉi niṉ toḻil